TīTang-pō͘ū3kengtha̍k-chhehbiánchîⁿêha̍k-hāu, chiū-sīlánTiúⁿ-ló-hōekapSunbo̍k-su-niûkò-jînsó͘siatê. Thâuchi̍tkengsīGio̍k-san-sîn-ha̍k-su-īⁿ, ūi-tìsītīSiū-hongTî-lâm-chhoan, tùiHoa-liânkàusiū-hong, ūkong-lō͘khì-chhiatùiSu-īⁿkeng-kòe, hiaêsan-súikéng-tìke̍k-kîhó, Hoa-liânkōansiūⁿbehchionghitūichòhong-kéngkhu, tì-kàuSu-īⁿsinhāu-siàêkiàn-siatsiūchōe-chōeêchó͘-gāi, hiān-sîha̍k-hāuchí-ūkúikengtek-á-chhùtīsoaⁿ-phiâⁿ, thâu-chêngūchi̍têtōa-piiāūsoaⁿ, kéng-tìchinsúi, chhin-chhiūⁿchi̍t-pakêtô͘. GóantīSiū-hongchòkangêsî, ū2páikhìhiakò-chûntiò-hî, iātīha̍k-hāuchia̍h-pn̄g, hāu-tiúⁿKobo̍k-suchinjīn-chinkeng-êngha̍k-īⁿ, ha̍k-sengtīkong-khòí-gōa, ūchéng-líha̍k-hāuiōng-tē, kôan-kēku̍thō͘pêⁿ, bôlō͘chōkàuūlō͘, kohiāūchōlîm, chaikam-á, lóngsīsian-siⁿha̍k-sengsaⁿ-kapchò, ūchi̍tūiTiuⁿbo̍k-sutùichithong-bīnchinūkeng-giām. Tīlé-pài-ji̍tha̍k-sengsiūphàikàusan-tēpún-cho̍kêkàu-hōekhìchòkang. Chitkengha̍k-hāu, chóng-sīsū-si̍tchiân-tô͘iáuchinchōekhùn-lân, lántio̍hto-toūichitkengha̍k-hāutāi-tó.
|
Tī東部有3間讀冊免錢ê學校，就是咱長老會kap孫牧師娘個人所設ê。頭一間是玉山神學書院，位置是tī壽豐池南村，tùi花蓮到壽豐，有公路汽車tùi書院經過，hia ê山水景致極其好，花蓮縣想beh將hit位做風景區，致到師院新校舍ê建設受chōe-chōe ê阻礙，現時學校只有幾間竹仔厝tī山坪，頭前有一個大埤也有山，景致真súi，親像一幅ê圖。阮tī壽豐做工ê時，有2擺去hia划船釣魚，也tī學校食飯，校長高牧師真認真經營學院，學生tī功課以外，有整理學校用地，kôan低掘hō͘ 平，無路造到有路，koh也有造林，栽柑仔，lóng是先生學生saⁿ-kap做，有一位張牧師對這方面真有經驗。Tī禮拜日學生受派到山地本族ê教會去做工。這間學校，總是事實前途iáu真chōe困難，咱tio̍h多多為這間學校代禱。 |
|
Kohlâitē-jīkengsītīKoan-san-tìn, kau-thonglī-piān, só͘-chāiha̍p-ēng, sīSunbo̍k-su-niûsiatê, ū40miâêsan-tēlú-chútùita̍k-cho̍kêsó͘-chāiphàilâitha̍k-chheh, khí-thâusītha̍kpòaⁿ-nîkú, chiūpit-gia̍pphàikhìkokkàu-hōekàiù-tī-hn̂g, sui-jiânchí-ūtha̍kpòaⁿ-nî, chóng-sīinūim-ga̍kêthian-châi, tôaⁿ-khîm, kàkoa, iû-hì, lóngūte̍k-sek, bôsupêⁿ-tēkàu-hōeiù-tī-hn̂gkàêchiat-bo̍k. Tùichitkengha̍k-hāuí-kengchhutchinchōelāu-su, hiān-chāithiaⁿkóngsī2nîchè, Ô͘bo̍k-sukiamhāu-tiúⁿtehliāu-lí, iniāsītha̍k-chheh, chia̍h-pn̄glóngbiánchîⁿ, só͘-ísan-tēlú-chúchinàitha̍k.
|
Koh來第二間是tī關山鎮，交通利便，所在合用，是孫牧師娘設ê，有40名ê山地女子tùi逐族ê所在派來讀冊，起頭是讀半年久，就畢業派去各教會教幼稚園，雖然只有讀半年，總是in有音樂ê天才，彈琴、教歌、遊戲，lóng有特色，無輸平地教會幼稚園教ê節目。Tùi這間學校已經出真chōe老師，現在聽講是2年制，胡牧師兼校長teh料理，in也是讀冊、食飯lóng免錢，所以山地女子真愛讀。 |
TēsaⁿkengsīKhèng-honglú-chúhō͘-líha̍k-hāu, iāsīSunbo̍k-su-niûsiatê, chhiáⁿTohbo̍k-su-niûtehliāu-lí, ha̍k-seng40miâ, iû-gôantùita̍kcho̍klâiha̍kê, inta̍kchá-khíūchó-thiankî-tó-hōe, lé-pài-ji̍tiātio̍hkhìpún-cho̍kpang-chānChú-ji̍t-o̍h, chiaêha̍k-sengchiām-sîtīKhèng-hongkàu-hōelāitha̍k-chheh, bôhāu-sià, khioksīūha̍k-hāu, ha̍k-sengêchia̍h-si̍tiāsīha̍k-hāuhū-tam. Góatīchiachi̍tlé-pàikú, khòaⁿ-kìⁿinêseng-oa̍hchinthian-chinlān-bān, inêbo̍k-teksīpit-gia̍pliáu, behtńg-khìsan-tēchí-tōsan-tēlângūōe-seng, chìn-ji̍ptīlí-sióngêseng-oa̍h, cheiāsīchi̍tkiāⁿchiniàu-kínêsū.
|
第3間是慶豐女子護理學校，也是孫牧師娘設ê，請卓牧師娘teh料理，學生40名，猶原tùi逐族來學ê，in逐早起有早天祈禱會，禮拜日也tio̍h去本族幫贊主日學，chia ê學生暫時tī慶豐教會內讀冊，無校舍，卻是有學校，學生ê食食也是學校負擔。我tī chia一禮拜久，看見in ê生活真天真瀾漫，in ê目的是畢業了，beh轉去山地指導山地人有衛生，進入tī理想ê生活，che也是一件真要緊ê事。 |
|
Í-siōngchitsaⁿ-kengha̍k-hāuchóng-ha̍pkhí-lâi, sītehchō-chiūchong-kàukàu-io̍kkapseng-oa̍hsi̍t-chèhong-bīnêchí-tō-chiá, siong-sìnsan-tēlângbehtùichit3kengha̍k-hāusó͘chhutêjîn-châilâitit-tio̍hchinhóêchí-tōkappang-chān, gōanChúpang-chāntīha̍k-hāuchòkangêlâng, ūthiàⁿ-simkapthun-lúnêsim, lâihoat-tiánchitêiàu-kínêkang.
|
以上這三間學校總合起來，是teh造就宗教教育kap生活實際方面ê指導者，相信山地人beh tùi這3間學校所出ê人才來得著真好ê指導kap幫贊，願主幫贊tī學校做工ê人，有疼心kap吞忍ê心，來發展這個要緊ê工。 |
