Lánnāsiūⁿ-tio̍hTâi-pak, Tâi-tiong, Tâi-lâm, Ko-hiông, Pîn-tongténgêhókàu-hōe, chiūbehsiūⁿkóngsīTiúⁿ-ló-hōeêtōakàu-hōe, chóng-sīsū-si̍tTâi-ôanTiúⁿ-ló-hōe, tē-ittōakengêkàu-hōesīTang-pō͘A-mī-cho̍kêKong-ho̍kkàu-hōe, chitkengkàu-hōechòlé-pàichíténg-po͘ū600lângí-siōng, kî-tó-hōeū300gōalâng, lánpîⁿ-tēêkàu-hōeū95nîêle̍k-sú, ūchi̍t-kengkui-bô͘chiahtōaêkàu-hōeábô? Inhiān-chāitīsîn-siātēkhíchi̍tkengtn̂g100chhioh, khoah40chhioh, chúi-nîthi̍h-kinêlé-pài-tn̂g, insó͘ēngêthi̍h-kichintōa, in-ūikiaⁿtē-tāngkaphong-thaiêkoan-hē, chitêkūsîn-siātēsīchi̍t-lia̍pêsió-soaⁿ, tīKong-ho̍kchòekôanêsó͘-chāi, khôan-kéngchinhó, chēkhì-iû-chhiakhòaⁿtitchinchheng-chhó, behpehchiūⁿsoaⁿ-téngêji̍p-kháu, iāsīūchi̍têtōasîn-siāêmn̂g, túhókapSiū-hongkàu-hōesaⁿ-tângêkhôan-kéng, put-kòchitkengpài-tn̂gchiahkhíkàuthang-téngêsó͘-chāi, hiān-sîiáubôchîⁿthangkè-sio̍kchìn-hêngkang-sū, góamn̄ginkang-sū-hùiū-tēngjōa-chē? Inkónggóanbōe-hiáuū-sǹg, chí-ūkhíkàuhóûi-chí. Chitkhóansìn-simkaphōng-hiànêcheng-sîn, kiámūkhahsupîⁿ-tēkàu-hōemah? Kiaⁿ-liáu“Chōe-chōetāi-sengêbehchòlō͘-bóe, iāchōe-chōelō͘-bóeêbehchòtāi-seng” góasìnchitkùōeōesi̍t-hiāntīsan-tēkàu-hōe.
|
咱若想tio̍h台北、台中、台南、高雄、屏東等ê好教會，就beh想講是長老會ê大教會，總是事實台灣長老會，第一大間ê教會是東部阿美族ê光復教會，這間教會做禮拜只頂晡有600人以上，祈禱會有300外人，咱平地ê教會有95年ê歷史，有一間規模chiah大ê教會抑無？In現在tī神社地起一間長100尺，闊40尺，水泥鐵筋ê禮拜堂，in所用ê鐵支真大，因為驚地動kap風颱ê關係，這個舊神社地是一粒ê小山，tī光復最kôan ê所在，環境真好，坐汽油車看得真清楚，beh peh上山頂ê入口，也是有一個大神社ê門，tú好kap壽豐教會相同ê環境，不過這間拜堂才起到窗頂ê所在，現時iáu無錢thang繼續進行工事，我問in工事費預定偌chōe？In講阮bōe曉預算，只有起到好為止。這款信心kap奉獻ê精神，kiám有khah輸平地教會mah？驚了「Chōe-chōe代先ê beh做路尾，也chōe-chōe路尾ê beh做代先」我信這句話會實現tī山地教會。 |
