Tāi-líkàu-hōesīTang-pō͘chhut-miâêkàu-hōe, hōe-iúchōe, keng-chèhó, chheng-liânoa̍h-tāng, sèng-koa-tūigâuchhiùⁿ, ūkúi-ūitióng-chipchinkoan-simkàu-hōe, iāūMá-tāichéōechhutchhiú-lō͘-chhài. Góasaⁿ-nîchêngbatlâipò͘-tō, chitpáisītē-jīhôe, góakapinlóngchinse̍k-sāi, Hū-jîn-hōesiat-hoatêhóe-si̍ttǹg-tǹghó, si̍t-chāim̄-biántio̍hán-ni, ōephah-pháichhùi-táu. Tīchiaūchi̍t-ūiChiamtiúⁿ-ló, chiū-sīōechúchhiú-lō͘-chhàiêMá-tāiché, sio̍k-gúkóng, “Chô-liāukàuiātio̍hsim-pūgâu”, chin-chiàⁿūiáⁿ. Chiaêhōe-iúkóng-ōeūkoh-iūⁿ, “ch” kap“s” kóngsiong-hóan, inkiò“Ôngsian-seⁿ” sīkiòchò“Ôngchian-cheⁿ,” gîm-si“Chúah, góasimthiàⁿLí” ingîmchò“Súah, góachimthiàⁿLí”, chóng-sīkapinchò-hóekú, thiaⁿkòan-sìchiūhó. Te̍k-pia̍ttīchiagóaàithê-khíê, sīchiaêchheng-liânchingâuhia̍p-chō͘pò͘-tōêkang-chok, bô-lūnpunthôan-toaⁿ, pûnga̍k-khì, chhiùⁿ-koa, lâm-lúchheng-liânlóngchinióng-kám, ta̍kē-po͘khìchò, só͘-ígóakhì2hôeêpò͘-tō, lóngchinhósêng-chek, múiàmū300lângí-siōng, góaiāàikó͘-lēkokkàu-hōeêchheng-liân, tio̍hán-nilâichīn-la̍ttīChúêkang, in-ūiPó-lôkóng, “Línbo̍h-titin-ūilínêsiàu-liânhō͘lângkhòaⁿ-khin,...... tio̍hchòsìnêlângêbô͘-hōan.”
|
大里教會是東部出名ê教會，會友chōe，經濟好，青年活動，聖歌隊gâu唱，有幾位長執真關心教會，也有馬大姐會出手路菜。我三年前bat來佈道，這擺是第二回，我kap in lóng真熟似，婦人會設法ê伙食頓頓好，實在m̄免tio̍h按呢，會phah歹嘴斗。Tī chia有一位詹長老，就是會煮手路菜ê馬大姐，俗語講，「佐料夠也tio̍h新婦gâu」，真正有影。Chia ê會友講話有各樣，「Ch」kap「S」講相反，in叫「王先生」是叫做「王chian-cheⁿ，」吟詩「主ah，我心疼你」in吟做「使ah，我chim疼你」，總是kap in做伙久，聽慣勢就好。特別tī chia我愛提起ê，是chia ê青年真gâu協助佈道ê工作，無論分傳單、歕樂器、唱歌，男女青年lóng真勇敢，逐下晡去做，所以我去2回ê佈道，lóng真好成績，每暗有300人以上，我也愛鼓勵各教會ê青年，tio̍h按呢來盡力tī主ê工，因為保羅講，「Lín莫得因為lín ê少年hō͘人看輕，…… tio̍h做信ê人ê模範。」 |
