A-sêng-pehim̄-sīsím-mi̍htāng-pīⁿ, sīló-soesim-chōngbôla̍têpīⁿ, tùiji̍p-īⁿí-lâitùii-sengēngtú-hóêio̍h-hngkapchu-ióng-phínhō͘ichia̍hichiūnáióng-kiāⁿ. Tngtīikhahkhòaⁿ-oa̍hêsîichiūsiông-siôngkapLân-hiongtâm-lūnkóng-ōe. A-sêng-pehsim-lāiūchingiâu-gî, Lân-hiongêkiáⁿSiú-gīán-chóaⁿēhiahsênginkiáⁿChheng-chôaⁿêbīn. Jî-chhiáⁿchhiòêkhóan-sit, kapkóng-ōeêsiaⁿ-imiāūchinsio-tângêsó͘-chāi.
|
阿成伯伊m̄是甚物重病，是老衰心臟無力的病，tùi入院以來tùi醫生用tú好的藥方kap滋養品hō͘伊食伊就ná勇健。當tī伊較快活的時伊就常常kap蘭香談論講話。阿成伯心內有真憢疑，蘭香的囝守義按怎會hiah成in 囝清泉的面。而且笑的款式，kap講話的聲音也有真相同的所在。 |
|
Ūchi̍t-ji̍tA-sêng-pehkìmbē-tiâuchiūmn̄gLíHō͘-sūkóng, “Hō͘-sūsian-siⁿ, chinsit-lé, góalâipài-mn̄glíchi̍t-chânsū, chhiáⁿlím̄-thangsiū-khì, lím̄-chaikhéngkāgóakóngá-m̄?” Lân-hiongchaiA-sêng-pehsīsêng-si̍têsìn-tô͘, kohsīlāu-tōa-lâng, kohika-kīiāsiūⁿchinàimn̄gi, só͘-íchiūìnA-sêng-pehkóng, “Chhiáⁿlímn̄gbôiàu-kín, góanāchai, góahoaⁿ-híkālíkóng, kohkî-si̍tgóaiāūōeàipài-hāulí, iāchhiáⁿlíkāgóakóng.” A-sêng-pehkóng, “Hó, góanāēhiáu-tit, góaiāhoaⁿ-híkālíkóng.” Hit-sîsīmńg-po͘túkhah-êngêsî. A-sêng-pehchiūkhui-chhùimn̄gkóng, “Chinsit-lé, hō͘-sūsian-siⁿ, chūkàu-taⁿgóasiông-siôngkhòaⁿchi̍têgín-náchhēngtiong-ha̍kêchè-ho̍klâichhōe--lí, hit-êsīlíêsím-mi̍hlâng.” “Hit-êsīgóaêkiáⁿ.” “Kin-nîkúi-hòelah, kúinîê?” “17hòe, chho͘Tiong3nî.” “Góatháim̄batkhòaⁿinA-palâichhōe--lí.” Lân-hiongthiaⁿA-sêng-pehmn̄ghit-kù, chi̍t-bīnchinkiàn-siàu, chi̍t-bīnchinsiong-sim, thâu-khakchūán-nichhi̍hlo̍h-khì, bīnoa̍ttùiāu-bīn, kìmbē-tiâuba̍k-sáisòaliànchhut--lâi, thêngchinkúlóngbôìn. A-sêng-pehchiap-sòakóng, “Hō͘-sūsian-siⁿ, góaēmn̄glíán-ni, kî-si̍tsīin-ūigóaêsimmúi-páinākhòaⁿtio̍hlíêgín-náchiūnáchúnkhòaⁿtio̍hgóaêkiáⁿ, bô-lūnbīn-hêng, chhiòêkhóan-sit, chhiòêsiaⁿ-im, kóng-ōeêsiaⁿ-imchinhóng-hutsīkapgóaêkiáⁿsiāng-khóan.” “A-pehlíêkiáⁿkiòchòesím-mi̍hmiâ?” “KiòchòeTânChheng-chôaⁿ.” “Itaⁿtùitóūikhì?” “Iiok18nîchênghō͘Ji̍t-púnkuntiàukhìchòethong-e̍k, chi̍t-khìchūán-nibôhôe-thâu, khí-thâukhìHoa-pak, āu-lâichóan-chiànkàuHoa-lâm, jiân-āuchaiiūkàuHui-li̍p-pin, khì4nîiáuūsiau-sit, jiân-āukàutaⁿcha̍p-gōanîlóngbôsiau-sitlah.” “Ibōekhìchòethong-e̍kêsî, isītehchòesím-mi̍h.” “Sītehchòechè-io̍hkong-siêsoan-thôankóng-kòêchú-jīm.” “Nā-sīán-niA-pehlíêmiâkiámm̄-sīTânChìn-sêng. Kiámm̄-sībatkhuiHôa-bíphôe-êtiàm.” “Sīlah, góaêhō͘-kháumiâTânSêng, ū-sîlângkiògóaChìn-sêng, khuiHôa-bíphôe-êtiàmsīkó͘-chátīTâi-lâmêsî. Nā-sīlítháiēchaichiah-êsū?”
|
有一日阿成伯禁bē-tiâu就問李護士講，「護士先生，真失禮，我來拜問你一層事，請你m̄-thang受氣，你m̄知肯kā我講仔m̄？」蘭香知阿成伯是誠實的信徒，koh是老大人，koh伊家己也想真愛問伊，所以就應阿成伯講，「請你問無要緊，我若知，我歡喜kā你講，koh其實我也有話愛拜候你，也請你kā我講。」阿成伯講，「好，我若會曉得，我也歡喜kā你講。」Hit時是晚晡tú較閒的時。阿成伯就開嘴問講，「真失禮，護士先生，自到今我常常看一個gín-ná穿中學的制服來chhōe你，hit-ê是你的甚物人。」「Hit-ê是我的囝。」「今年幾歲啦，幾年的？」「17歲，初中3年。」 「我thái m̄ bat看in阿爸來chhōe你。」蘭香聽阿成伯問hit句，一面真見笑，一面真傷心，頭殼自按呢chhi̍h落去，面越tùi後面，禁bē-tiâu目屎sòa liàn出來，停真久攏無應。阿成伯接紲講，「護士先生，我會問你按呢，其實是因為我的心每擺若看著你的gín-ná就若準看著我的囝，無論面形，笑的款式，笑的聲音，講話的聲音真彷彿是kap我的囝像款。」「阿伯你的囝叫做甚物名？」「叫做陳清泉。」「伊今tùi佗位去？」「伊約18年前hō͘日本軍調去做通譯，一去自按呢無回頭，起頭去華北，後來轉戰到華南，然後知伊有到菲律賓，去4年iáu有消息，然後到今十gōa年攏無消息啦。」「伊未去做通譯的時，伊是teh做甚物。」「是teh做製藥公司的宣傳廣告的主任。」「若是按呢阿伯你的名敢m̄是陳進成？敢m̄是bat開華美皮鞋店。」「是啦，我的戶口名陳成，有時人叫我進成，開華美皮鞋店是古早tī台南的時。但是你thái會知chiah-ê 事？」 |
Lân-hiongchūán-niháuchhut--lâisòakūi-lo̍hphaktīA-sêng-pehêpēⁿchhn̂gchêng, tùichhiúkāikhan-teh, ba̍k-sáiti̍h-tâmA-sêng-pehêchhiú, nákóngná-háu, náchheh-khùi, kiòchi̍t-siaⁿ“A-pa,” chūán-niháukoh-khahchhám-chheh. A-sêng-pehkínpehkhí-lâichētiàmbîn-chhn̂g-kîⁿ, kóng, “Hō͘-sūsian-siⁿ, lítàu-tísīcháiⁿ-iūⁿkiògóaán-ni?” Hit-sîLân-hiongchiahchiông-thâukàu-bóetāi-lio̍kkóngchi̍t-piànhō͘A-sêng-pehthiaⁿ. A-sêng-pehiākhui-siaⁿháu, tùián-ninn̄gêta-koaⁿ, sim-pūchiahsio-jīn. Tùián-niA-sêng-pehchiahliáu-káichit-êHō͘-sūLân-hiongêgín-náhōkiò“Siú-gī” êì-sù, kapliáu-káihit-êgín-náêbīn-hêng, thé-thài, siaⁿ-imkî-só͘-íēkapinkiáⁿChheng-chôaⁿsiāng-khóanêsó͘-í-jiân. Tùián-niA-sêng-pehsimhui-siônghoaⁿ-hí, chiūchiām-chiāmkohióng-kiāⁿ. Bôjōa-kúchiūthè-īⁿ. Chit-chânsūsòachiâⁿ-chòeHoa-liânkàu-hōeêbí-tâm, chiū-sīLân-hiongê“Siú-gī,” iú-hàuêcheng-sîn. A-sêng-pehtùihit-sîkhíchiūsiūⁿkóngioa̍h-tehūan-ùi, ūbo̍k-tek, chiūkhoe-ho̍kkiān-khong. Phôe-êtàⁿ-átaⁿleh, píchêngkoh-khahpiàⁿ-sèlâichòekang. Siú-gīkapA-kongsio-jīnliáu-āuiāchinhoaⁿ-hí, pí-chêngkoh-khahoa̍h-tāngjīn-chintha̍k-chheh, bôlōa-kúchiūpit-gia̍p. Pit-gia̍pliáuchiūkhìtha̍kSu-hōanha̍k-hāu. A-kongiātàuthàn-chîⁿhō͘itha̍k. Siú-gīkapA-kongchòe-hóetiàm, kàukhìtha̍kSu-hōanha̍k-hāuchiahkhìha̍k-liâu. Sīji̍p-tīTâi-pakSu-hōan, nāhioh-joa̍htò--lâichiūsaⁿ-ê, ta-koaⁿ, sim-pū, kapsè-kiáⁿSiú-gī--èsaⁿ-êchinkhoài-lo̍k, tīChúchiâⁿ-chòechi̍t-êhóêKi-tok-hòaka-têng. Saⁿ-tāi-lângchòe-hóetiàm, hit-êiú-hàuêsim-chêng, kám-siāChúêhoaⁿ-hímóa-móa, chhiong-móatīintiong-kan. Nā-sīhó-kéngbôkú, put-chhekêchai-hōkohkàuinêtiong-kan.
|
蘭香自按呢哮出來sòa跪落仆tī阿成伯的病床前，tùi手kā伊牽咧，目屎滴澹阿成伯的手，ná講ná哮，ná啜氣，叫一聲「阿爸」，自按呢哮koh-khah慘慼。阿成伯緊peh起來坐tiàm眠床墘，講，「護士先生，你到底是怎樣叫我按呢？」Hit時蘭香才從頭到尾大略講一遍hō͘阿成伯聽。阿成伯也開聲哮，tùi按呢兩個ta-koaⁿ，新婦才相認。Tùi按呢阿成伯才了解這個護士蘭香的gín-ná號叫「守義」的意思，kap了解hit-ê gín-ná的面形，體態，聲音其所以會kap in 囝清泉像款的所以然。Tùi按呢阿成伯心非常歡喜，就漸漸koh勇健。無偌久就退院。這層事sòa成做花蓮教會的美談，就是蘭香的「守義」，有孝的精神。阿成伯tùi hit時起就想講伊活teh有安慰，有目的，就恢復健康。皮鞋擔仔擔咧，比前koh-khah拚勢來做工。守義kap阿公相認了後也真歡喜，比前koh-khah活動認真讀冊，無偌久就畢業。畢業了就去讀師範學校。阿公也鬥趁錢hō͘伊讀。守義kap阿公做伙tiàm，到去讀師範學校才去學寮。是入tī台北師範，若歇熱倒來就三個，ta-koaⁿ，新婦，kap細囝守義è三個真快樂，tī主成做一個好的基督化家庭。三代人做伙tiàm，hit-ê有孝的心情，感謝主的歡喜滿滿，充滿tī in中間。但是好景無久，不測的災禍koh到in的中間。 |
