Tōaiokpòaⁿgoe̍h-ji̍tāukhang-khòelio̍h-ákhahêng, Éng-hok-ahchiūsiūⁿkóng, taⁿkhahbôpek-kanglah, tāi-khàisīA-thiam-pehkáⁿm̄-kohchhiàⁿ--ilah. Tùián-niūchi̍tchákhí, ichiūsiūⁿbehkapA-thiam-pehinsaⁿ-sî, kohkhìpa̍t-ūichhōekhòaⁿūsím-mi̍hkangthangchòeá-bô? A-thiam-peh, A-thiam-ḿnn̄glāuchinhó-ìti̍t-ti̍tkāilâu. Kî-si̍titiàmliáusīchinàitiàm. Sim-tésītehsiūⁿ, nāē-tittiàmchiakhah-kú, m̄-sī, behsīē-titéng-óantiàmchiam̄chinhó. M̄-kúka-kīsiūⁿ, beh-thái-ūkàuchithōchu-kehthanghō͘lânglâutīchiakhahkú, á-sīéng-óantiàmchia. Gôan-in, (1) Ka-kīsiūⁿgóasītoaⁿ-sin-hàn, sīliû-lîsit-só͘êko͘-jî, náēūlângiânneh. (2) Chiah-ni̍hsàn, seng-khutn̄gpòaⁿ-bûn, kóngkhahkiàn-siàu, iābôsaⁿ-á-khò͘thangōaⁿ. Tīchià-hn̂gsoaⁿ-phiâⁿchòekangsiông-siôngthǹg-pak-theh, hit-niálāi-saⁿtiāⁿthǹgkhílâisoaⁿ-khe-ásé-séleh, phitiàmchhiū-phènâ-áténgpha̍khō͘ita, kàubehtò-khì, chiahkohthe̍hlâichhēng. Bôthangthè-ōaⁿêpō͘-hūn, si̍t-chāichhēngkàubēkóng-titêkiaⁿ-lângkohpháiⁿ-bī. Kî-si̍tsim-téka-kīcha̍p-jī-hunêut-ì, kohlóe-chì. M̄-kúkohchi̍tbīn, kám-kaktīA-thiam-pehêtau, só͘hióng-siūtio̍hchit-khóanka-têng-tekjîn-chêngun-lóanêkhì-hun, sīit-sengthâuchi̍tpáisó͘tú-tio̍h--ê. La̍k-hòebôlāu-pē, cha̍p-hòebôlāu-bú, káu-hòekhìkālângchhī-gû, tīāu-chekêtauhō͘lângkhó͘-to̍k, khìchhī-gû-áêsîkhùngû-tiâu; chi̍thāng, chi̍thāngnácháu-bé-teng, lóngtīiêthâu-náulāikohchhut-hiān.
|
大約半月日後工課略仔較閒，永福ah就想講，今較無迫工啦，大概是阿添伯敢m̄-koh倩伊啦。Tùi按呢有一早起，伊就想beh kap阿添伯in相辭，koh去別位chhōe看有甚物工thang做抑無？阿添伯，阿添姆兩老真好意直直kā伊留。其實伊tiàm了是真愛tiàm。心底是teh想，若會得tiàm chia較久，m̄是，beh是會得永遠tiàm chia m̄真好。M̄-kú家己想，beh-thái有夠這號資格thang hō͘ 人留tī chia較久，抑是永遠tiàm chia。原因，(1) 家己想我是單身漢，是流離失所的孤兒，哪會有人緣neh。(2) Chiah-ni̍h散，身軀斷半文，講較見笑，也無衫仔褲thang換。Tī蔗園山坪做工常常褪腹裼，hit領內衫定褪起來山溪仔洗洗咧，披tiàm樹phè林仔頂曝hō͘伊乾，到beh tò去，才koh提來穿。無thang替換的部分，實在穿到bē講得的驚人koh歹味。其實心底家己十二分的鬱意，koh餒志。M̄-kú koh一面，感覺tī阿添伯的兜，所享受著這款家庭tek人情溫暖的氣氛，是一生頭一擺所tú著ê。六歲無老父，十歲無老母，九歲去kā人飼牛，tī後叔的兜hō͘人苦毒，去飼牛仔的時睏牛tiâu；一項一項ná走馬燈，攏tī伊的頭腦內koh出現。 |
|
Tīchiacháiⁿ-iūⁿ, A-thiam-pehkhóan-thāiiná-chúnke-lāilâng, ta̍ksaⁿ-tǹgkapA-thiam-pehchòe-hóechia̍h, te̍k-pia̍tnālé-pài-ji̍t, siông-siôngliânA-thiam-ḿ, kapChhui-kùi-ahiātāi-kechòe-hóechia̍h, thangpī-pānchòe-hóekhìsiúlé-pài, si̍t-chāiôan-chôannáchi̍t-kelâng. Chi̍tsut-áto͘bôkhòaⁿ-khin--iêì-sù. Kohchi̍thānghō͘isó͘m̄battú-tio̍hêsū, chiū-sīmúiàmêka-tênglé-pài. Tāi-kechòe-hóegîm-si, tha̍kSèng-keng, kî-tóhit-êkèng-khiânêkhong-khì; te̍k-pia̍tA-thiam-pehūchi̍têsi̍p-kòan, chiū-sīàikhui-thiahSèng-kengtiongkúi-kùkà-sī, bián-lēêōe. Isīchi̍tūithè-jīmêlāutiúⁿ-ló, nā-sīiêjia̍t-sim, kapkèng-khiânchinthanghō͘lângchòebô͘-iūⁿ. Kohchi̍thānghō͘iìn-siōngchinchhim-khek--ê, chiū-sīChhiu-kùisió-chiáêgîm-si, hit-êsiaⁿêsúi, chheng-liāng, óan-chóan, kôan, kē, ōe-kùhun-bêng, kohhit-êgîm-siêthài-tō͘khiân-sêng, kiong-kèng, m̄-sīcháitīThian-thian-lo̍k, Chhian-lí-iân, Bān-lí-hôngsó͘thiaⁿ-tio̍hhiah-êki-lú, á-sīiá-kesó͘tehchhiùⁿêkhek, á-sīliû-hêngkoasó͘ēpí--titê. Ika-kīm̄bat-jī, kohbôo̍h, nā-sīthiaⁿA-thiam-pehinchi̍t-ketehgîm, si̍t-chāiūbēkóngtitêkám-kek.
|
Tī chia怎樣，阿添伯款待伊若準家內人，逐三頓kap阿添伯做伙食，特別若禮拜日，常常連阿添姆，kap秋桂ah也大家做伙食，thang備辦做伙去守禮拜，實在完全ná一家人。一屑仔都無看輕伊的意思。Koh一項hō͘伊所m̄ bat tú著的事，就是每暗的家庭禮拜。大家做伙吟詩，讀聖經，祈禱hit-ê 敬虔的空氣；特別阿添伯有一個習慣，就是愛開拆聖經中幾句教示，勉勵的話。伊是一位退任的老長老，但是伊的熱心，kap敬虔真thang hō͘人做模樣。Koh一項hō͘伊印象真深刻ê，就是秋桂小姐的吟詩，hit-ê聲的súi，清亮，婉轉，懸，低，話句分明，koh hit-ê吟詩的態度虔誠，恭敬，m̄是早伊tī天天樂，千里緣，萬里紅所聽著hiah-ê妓女，抑是野雞所teh唱的曲，抑是流行歌所會比得的。伊家己m̄ bat字，koh無學，但是聽阿添伯in一家teh吟，實在有bē講得的感激。 |
|
Te̍k-pia̍tūchi̍tmî-hng, tha̍k-tio̍hchi̍tchāmkò͘-sūkóng, Iâ-so͘tehchhōechi̍tchiahphah-m̄-kìⁿ, kiâⁿbê-lō͘êiûⁿ, kohkónghòng-tōng-chúêphì-jū, láu-si̍tkóngiàm-chīⁿlâuchin-chēba̍k-sái. Tông-sîthiaⁿ-kìⁿinchhiùⁿ, “......Chí-ūchi̍tchiahbêtīsoaⁿ-kan, lī-khuiiûⁿ-tiâubô-lō͘. Bêtīsoaⁿ-niá, piànkiâⁿhong-pho, Bôsiūliông-bo̍kkóan-líchiàu-kò͘......” Ithiaⁿchiah-êōe, chi̍tsîsiūⁿkónghitchiahbêiûⁿchiū-sīipún-sin, thâuàⁿ-àⁿ, ba̍k-sáihò͘m̄-khui, kínkéchhut-khìphùithâm, sòakhìchhek-só͘háuchi̍tkhùn, ba̍k-sáichhit-chhitbehchiahkohji̍p--lâi. Ilia̍h-chúnlângm̄-chai, bôlângkhòaⁿ-kìⁿleh. A-thiam-peh, A-thiam-ḿba̍k-chiuhe-helāu-lâng-ke, bôkám-kakiābôtek-khak, nā-sītháiphiànChhiu-kúi-ahētitkòe, Chhiu-kùi-ahlī-hāi, kúi-thâukúi-náu, tiāⁿ-tiāⁿto͘tehkoan-chhatiêhêng-tōng, jî-chhiáⁿtùisim-tétehkoan-simiêtāi-chì. Put-kòchit-êcha-bó͘gín-násīchinchèng-keng, pêng-sîm̄bathi̍h-hiauh, hōan-sūtāi-tāitōan-tōan. Ichiūkhòaⁿilâiintau, kúicha̍p-ji̍tiām̄batōaⁿsaⁿ-á-khò͘, lāi-saⁿkiaⁿlângkohphòa-phòa, nāūchhut-mn̂g, sīlī-iōngji̍t-iāmthǹgkhílâitiàmkhe-á-tésélâipha̍k, behtò-khìkohchhēnglo̍h-khì--ê. Ichiū-sīput-jím-sim, kohji̍p-mn̂giābôkhòaⁿ-kìⁿiūpau-ho̍k-á, liōng-pitseng-khusīchūchhēnghit-su, kî-ûbôlah. Só͘-íitīkúi-nā-ji̍tchêng, chhut-khìSin-hòake-átùibéchhiū-chîêlângsǹg-siàuêsîchiūūkāibénn̄g-sulāi-saⁿ, lāi-khò͘tò--lâi, nā-sīchhōeiáu-bōeūchi̍têki-hōe, m̄-káⁿkóngchhut--lâi, iākèngkoh-khahm̄-káⁿhiaⁿ̍hhō͘iōaⁿ.
|
特別有一暝昏，讀著一chām故事講，耶穌teh chhōe一隻phah-m̄見，行迷路的羊，koh講放蕩囝的比喻，老實講伊暗靜流真濟目屎。同時聽見in唱，「...只有一隻迷tī山間，離開羊椆無路。迷tī山嶺，遍行風波，無受良牧管理照顧......」伊聽chiah-ê 話，一時想講hit隻迷羊就是伊本身，頭àⁿ-àⁿ，目屎hò͘ m̄開，緊假出去phùi痰，sòa去廁所哮一睏，目屎拭拭beh才koh入來。伊掠準人m̄知，無人看見咧。阿添伯，阿添姆目睭花花老人家，無感覺也無的確，但是thái騙秋桂ah會得過，秋桂ah厲害，鬼頭鬼腦，定定都teh觀察伊的行動，而且tùi心底teh關心伊的代誌。不過這個查某gín-ná是真正經，平時m̄ bat hi̍h-hiauh，凡事大大段段。伊就看伊來in兜，幾十日也m̄ bat換衫仔褲，內衫驚人koh破破，若有出門，是利用日焰，褪起來tiàm溪仔底洗來曝，beh tò去koh穿落去ê。伊就是不忍心，koh入門也無看見伊有包袱仔，諒必身驅是自穿hit軀，其餘無啦。所以伊tī幾若日前，出去新化街仔tùi買樹薯的人算數的時就有kā伊買兩軀內衫，內褲倒來，但是chhōe猶未有一個機會，m̄敢講出來，也更koh-khah m̄敢hiaⁿ̍h hō͘伊換。 |
Kàuchitsîkhòaⁿisio-sîbehtò-khì, iāinlāu-pēti̍t-ti̍tkāilâu. Kî-si̍tisībûkakhó-kui, tùichiachhut-khìliânkin-mîm̄-chaibehkhìtó-ūian-bînto͘m̄-chai. Tīchiainkhóan-thāiichòelâng-kheh, tīlâng-khehkeng-ákhùn. Isòahut-jiânkohsiūⁿtio̍h, “Chí-ūchi̍tchiahbêtīsoaⁿ-kan, lī-khuiiûⁿ-tiâubô-lō͘.” Sòakìmbē-tiâusòaháuchhut--lâi, A-thiam-pehtio̍hchi̍tkiaⁿ, kóaⁿ-kínkāian-ùi, chiahmn̄gitàu-tíiêsin-sèsīcháiⁿ-iūⁿ? Ichiahit-gō͘, it-cha̍p, tùisílāu-pēkóng-khí, kóngkàulâiintauûi-chíêkhó͘-kéngsi̍t-chênghō͘inthiaⁿ. A-thiam-peh, A-thiam-ḿ, liânChhiu-kùiSió-chiáiākìmbē-tiâu, tāi-ketùiicha̍p-jī-hunêtông-chêng, sòasì-êháu-háuchòechi̍ttui. Hit-sîA-thiam-pehchhut-siaⁿkóng, “Taⁿlántāi-kekūi-lo̍hlâikî-tó.” Tāi-kechiūlóngûi-ûikūi-lo̍htīthiaⁿ-ni̍hlâikî-tó. Hit-êì-sùsīkóngkiûSiōng-tèkiùchit-êchheng-liân, thèchit-êchheng-liânkhui-lō͘. Siaⁿsiaⁿ, kùkùchin-chiàⁿsīkèng-khiân, chhin-chhiat, ūmóa-móaêthiàⁿ-sim.
|
到chit時看伊相辭beh tò去，也in老父直直kā伊留。其實伊是無家可歸，tùi chia出去連今瞑m̄知beh去佗位安眠都m̄知。Tī chia in款待伊做人客，tī人客間仔睏。伊紲忽然koh想著，「只有一隻迷tī山間，離開羊椆無路。」Sòa禁bē-tiâu sòa哮出來，阿添伯著一驚，趕緊kā伊安慰，才問伊到底伊的身世是怎樣？伊才一五，一十，tùi死老父講起，講到來in兜為止的苦境實情hō͘ in聽。阿添伯，阿添姆，連秋桂小姐也禁bē-tiâu，大家對伊十二分的同情，sòa四個哮哮做一堆。Hit時阿添伯出聲講，「今咱大家跪落來祈禱」。大家就攏圍圍跪落tī廳裡來祈禱。Hit-ê意思是講求上帝救這個青年，替chit-ê青年開路。聲聲，句句真正是敬虔，親切，有滿滿的疼心。 |
|
Kî-tósoahkhí-lâi, A-thiam-pehchiahkhui-chhùikohkóng, “Éng-hok, kì-jiânsīán-ni, sǹgsībôchhinbôchhek, chí-ūtoaⁿ-sin, góachiaiāsīchinkhiàmkang, chhiáⁿlím̄-biánkohkhìpa̍t-ūi, chūán-nitiàmgóachia. Kohgóaǹg-bānglíē-titkapgóantâng-simpàiSiōng-tè, ǹg-bāngChúchín-kiù--lí. Lísiūⁿcháiⁿ-iūⁿ?” Chhiu-kùiSió-chiáiāchān-chhùikóng, “Éng-hok-hiaⁿtiàmchialah. Góanpa-pato͘án-nikóng.” Éng-hokchi̍tsîūkìmbē-tiâuêhoaⁿ-hí, siuⁿhoaⁿ-hísòakohháuchhut--lâi. Isīkám-kakkin-á-ji̍tA-thiam-pehbehsiu-liû--i, tùikin-á-ji̍tí-āuiūan-kiêsó͘-chāi. M̄-biánsimtiāⁿkhòa-sim, kóngtaⁿkohkhìm̄-chaibehkhìtó-ūi. Kohsiāngiàu-kínchiū-sīikám-kakchhin-chhiūⁿtùi“Ah! bô-chêngpeng-léngêlō͘-piⁿ, siūkiùcháu-ji̍plâithiàⁿ-thàngun-lóanêka-têng.” Ná-chúnchi̍tchiahpoa̍hlo̍hlô͘-kô͘-môetépehbēkhí-lâiêkáu-ákiáⁿ, tngtībehsí, kôaⁿkàukhū-khū-chùnêtiong-kan, hō͘thiàⁿiêchú-lâng, khiohilâipó-siohêsim-chêng. Kìmbē-tiâuchūán-nikūitùiA-thiam-pehêbīn-chêngkiòchi̍tsiaⁿ“A-peh,” sòakohkhui-siaⁿháukàupíthâu-tú-ákoh-khahchhám-chheh. A-thiam-pehkínkāikhankhí--lâi. Chi̍tchhiúhōaⁿtīiêkeng-thâu-téngkóng, “Tio̍hkám-siāSiōng-tèêkhui-lō͘.”
|
祈禱soah起來，阿添伯才開嘴koh講，「永福，既然是按呢，算是無親無戚，只有單身，我chia也是真欠工，請你m̄免koh去別位，自按呢tiàm我chia。Koh我向望你會得kap阮同心拜上帝，向望主拯救你。你想怎樣？」秋桂小姐也贊嘴講，「永福兄tiàm chia 啦。阮爸爸都按呢講。」永福一時有禁bē-tiâu的歡喜，傷歡喜sòa koh哮出來。伊是感覺今仔日阿添伯beh收留伊，tùi今仔日以後伊有安居的所在。M̄免心定掛心，講今koh去m̄知beh去佗位。Koh上要緊就是伊感覺親像tùi「Ah！無情冰冷的路邊，受救走入來疼痛溫暖的家庭。」若準一隻跋落路糊糜底peh bē起來的狗仔囝，當tī beh死，寒到khū-khū-chun的中間，hō͘疼伊的主人，抾伊來寶惜的心情。禁bē-tiâu自按呢跪tùi阿添伯的面前叫一聲「阿伯」，sòa koh開聲哮到比頭tú-á koh-khah慘慼。阿添伯緊kā伊牽起來。一手hōaⁿ tī伊的肩頭頂講，「著感謝上帝的開路」 |
Tùián-nikhí--lâi, ba̍k-sáichhit-chhit-lehchiahbôkohháu.
|
Tùi按呢起來，目屎拭拭咧才無koh哮。 |
