Kehbîn-á-ji̍ttùikéng-chhat-kio̍kêkhu-liûkaⁿ-pângtòaichhut--lâi, khahmn̄gmā-sīm̄bathitlângêmiâ. Āu-lâimn̄gichiàusó͘ēkì-tithitêlângêhêng-siòng. Kôaniok5chhioh-pòaⁿ, seⁿchòebôpûi, iābôsán. Khí-thâukapichòe-hóekiâⁿêsî, ūkhòaⁿ-kìⁿiêbīn, chhùi-ē-táuchiam-chiam, chhùi-ē-táuêtò-pêngūchi̍tlia̍pkì, ūhoatkì-chhiu, chiàⁿ-pêngêba̍k-chiubóeūto-khî, tāi-khàisīhō͘lângphut--tio̍hêto-siong; chòe-hóekiâⁿkàuhāng-á-lāiàm-àmêsó͘-chāi, hitêlângchiahchiongbō-átìkhàm-khàm, tùikhò͘-tē-ájîmchi̍t-tiâuhoe-hoeêkin-ákhí-lâipaubīn, chí-ūchhunba̍k-chiuthangkhòaⁿlō͘, chiūpôaⁿkòechhiûⁿ.
|
隔明仔日tùi警察局的拘留監房帶伊出來，較問mā是m̄ bat hit人的名。後來問伊照所會記得hit-ê人的形象。高約5尺半，生做無肥，也無㾪。起頭kap伊做夥行的時，有看見伊的面，嘴下斗尖尖，嘴下斗的倒pêng有一粒痣，有發痣鬚，正pêng的目珠尾有刀khî，大概是hō͘人phut著的刀傷；做伙行到巷仔內暗暗的所在，hit-ê人才將帽仔戴khàm-khàm，tùi褲袋仔撏一條花花的巾仔起來包面，只有chhun目珠thang看路，就盤過牆。 |
|
Kéng-chhat-kio̍kchiàuchitêlâng-siònglâipénghiah-êliû-bîn, chiân-kho-hōansó͘lâutehêsiōng, chiūhoat-hiāntio̍hsó͘kóngêbīn-siòng, sīlô͘-môacha̍p-jīsiⁿ-siùⁿtiongêsió-kâusīhiâm-gî-hōan. Tùián-nichiūhoat-chhutkéng-kàibāngpau-ûi. Tīkéng-chhat-kio̍k, tùichiah-êliû-bînkapsiông-si̍p-hōan, á-sīsu-siúⁿkhòaⁿ-chòeput-únêlâng, m̄-nāūinêsiòng, sīm-chìchīnsó͘-ēto͘lóngūchhái-chi̍pinêkha-bô͘, chhiú-ìnkapchéng-thâu-áhûn. In-ūichesīchinhóêso͘-chachhâi-liāu. Só͘-íliâm-piⁿtit-tio̍hhiâm-gî-hōanêsòaⁿ-soh. Sió-kâum̄-nākan-tasīchhiap-tō-hōan, kî-si̍tiput-lūnkiông-kan, cha̍h-lō͘chhiúⁿ-kiap, sat-jînto͘lóngkáⁿ-chòe. Isīchi̍têhōan-chōelúi-lúiêthong-chhip-hōan. Itīténggoe̍h-ji̍tchiahtīBiâu-lekji̍p-soaⁿêsióchng-siā, phiànchi̍têcha-bó͘gín-ná, kóngbeh chhōa ikhìchia̍hthâu-lō͘, chiahtīlō͘-tiongm̄-nākiông-kan-ùhit-êlú-chú, kohkāichhiúⁿchhiú-pió, kapchi̍t-tiâukim-liān-ánn̄g-chîⁿgōatāng, kohhiān-kimchiâⁿpah-kho͘, chhùikāithatchhiú-kin, chhiúkāipa̍kiap-āu, chiongpòaⁿlō͘-thékāihiattiàmchinchió-lângtehchiūⁿ-lo̍hêsiólō͘-piⁿêchhiū-nâàm-sàmêsó͘-chāi. Hit-êlú-chúbē-titjiáng, in-ūichhùithattiâu-teh, iām̄-káⁿkāijiok, á-sīcháuchhut-lâipò, in-ūichhiúhō͘ipa̍kiap-āu, pòaⁿlō͘-thém̄-káⁿchhut-lâikìⁿ-lâng, só͘-íchí-ūkutiàmchhiū-á-khaháu, kàuūlângkhìkhioh-chhâtùihiakòe, chiahkāikiù. Chhin-chhiūⁿán-nibû-okput-chok. Lò-khaÉng-hok-ahsûi-piānchiūtòelângkhì, kóngūhó-khang--ê, khòaⁿbehchóaná-bô, si̍t-chāichinkai-sí.
|
警察局照這個人相來péng hiah-ê流民，前科犯所留teh的相，就發現著所講的面相，是流氓十二生相中的小猴是嫌疑犯。Tùi按呢就發出警戒網包圍。Tī警察局，tùi chiah-ê流民kap常習犯，抑是思想看做不穩的人，m̄-nā有in的相，甚至盡所會都攏有採集in的腳模，手印kap指頭仔痕。因為這是真好的搜查材料。所以liâm-piⁿ得著嫌疑犯的線索。小猴m̄-nā干單是竊盜犯，其實伊不論強姦，閘路搶劫，殺人都攏敢做。伊是一個犯罪累累的通緝犯。伊tī頂月日才tī苗栗入山的小庄社，騙一個查某gín-ná，講behchhōa伊去食頭路，chiah tī路中m̄-nā強姦污hit-ê女子，koh kā伊搶手錶，kap一條金鍊仔兩錢外重，koh現金成百箍，嘴kā伊窒手巾，手kā伊縛揜後，將半露體kā伊hiat tiàm真少人teh上落的小路邊的樹林暗毿的所在。Hit-ê女子bē得嚷，因為嘴窒tiâu-teh，也m̄敢kā伊jiok，抑是走出來報，因為手hō͘伊縛揜後，半露體m̄敢出來見人，所以只有跔tiàm樹仔腳哮，到有人去抾柴tùi hia過，才kā伊救。親像按呢無惡不作。躼腳永福ah隨便就tòe人去，講有好空ê，看beh賺抑無，實在真該死。 |
So͘-cha-bāngti̍t-ti̍tsiok-siáu, āu-lâitīKoan-biōbehji̍p-khìKî-sanêlō͘-tiongêsoaⁿ-lāilia̍h--tio̍h. IsīTâi-pakêSin-tiàmÀm-kheⁿêlâng, ūi-tio̍htīpak-pō͘hōan-àn, ti̍t-ti̍tcháulo̍hlâm, só͘-íchiahētīKoan-biōêhū-kīnhō͘lânglia̍h-tio̍h. Thang-kóngphò-àniā-sīchinkín, thâu-bóebián10gōa-ji̍tchiūlia̍h--tio̍h. Tīkong-têngtùisìnêsî, hō͘Lò-khaÉng-hok-ahjīn, kó-jiânbôchhò, chiàunn̄gpêngêkháu-kengjīnkhí--lâi, chiūchaiÉng-hokkó-jiânm̄-sīchintāngêchōe-hiâm, só͘-íphòaⁿ-koatkhin-khin, koaiⁿ6kò-goe̍hkiàchōenn̄g-nî, chiūsiūtháu-pàngchhut-kaⁿ. Tīsiūkoaiⁿêtiong-kan, tīkaⁿ-ga̍kêi-bū-sek, sin-thétit-tio̍hi-tī, kohtit-tio̍hchintōaêkà-sī. Hitchiahsió-kâuchiūsiūtēng-chōekhah-kú, tīchialánm̄-biánkóng.
|
搜查網直直縮小，後來tī關廟beh入去旗山的路中的山內掠著。伊是台北的新店暗坑的人，為著tī北部犯案，直直走落南，所以才會tī關廟的附近hō͘人掠著。Thang講破案也是真緊，頭尾免10外日就掠著。Tī公庭對訊的時，hō͘躼腳永福ah認，果然無錯，照兩pêng的口供認起來，就知永福果然m̄是真重的罪嫌，所以判決輕輕，關6個月寄罪兩年，就受tháu放出監。Tī受關的中間，tī監獄的醫務室，身體得著醫治，koh得著真大的教示。Hit隻小猴就受定罪較久，tī chia咱m̄ 免講。 |
KóngÉng-hok-ahsiūtháu-pàngliáu-āu, kia̍h-ba̍kbôchhin, sin-ni̍hbôpòaⁿsiánchîⁿ, simsiūⁿkóng, taⁿbehkhìtó-ūisīhó. Si̍t-chāichin-chiàⁿsīsimlōan-lōanbôtiāⁿ. Put-kòchiàuikòe-khìêkeng-giām, ná-chúnūchi̍têsiaⁿkóng, m̄-thangkohtiàmsiâⁿ-chhī, siâⁿ-chhīsīkhoàitūi-lo̍hchhia-hôaêsó͘-chāi. Só͘-íbôì-sek, put-tiput-kakhiòngTâi-lâmêtang-pêngsoaⁿ-lāiti̍t-ti̍tkiâⁿ-khì, hitē-po͘óasaⁿ-tiámchengchhut-kaⁿ, thâu-khakchhi̍h-chhi̍hti̍t-ti̍ttōng, tōngtùiÉng-khong, kàuSin-hòahitsî, ji̍tto͘í-kengbehàmlah, nā-sīsimcha̍t-cha̍tiām̄-chaiiau, tiàmSin-hòake-ákiâⁿ-lâi, kiâⁿ-khì, kin-púnseng-khutn̄gpòaⁿ-bûn, iauiā-sībôhoat-tō͘.
|
講永福ah受tháu放了後，舉目無親，身裡無半文錢，心想講，今beh去佗位是好。實在真正是心亂亂無定。不過照伊過去的經驗，若準有一個聲講，m̄-thang koh tiàm城市，城市是快墜落奢華的所在。所以無意識，不知不覺向台南的東pêng山內直直行去，hit下晡倚三點鐘出監，頭殼chhi̍h-chhi̍h直直撞，撞tùi永康，到新化hit時，日都已經beh暗啦，但是心cha̍t-cha̍t也m̄知枵，tiàm新化街仔行來，行去，根本身軀斷半文，枵也是無法度。 |
|
Hit-àmchiūkhìkubiō-kháu, phēngtiàmtōa-biōêthiāu-thâu, pòaⁿkhùn, pòaⁿchhíⁿkòechi̍t-mî. Kehchá-khípak-tó͘kám-kakchiniau, nā-sīsin-ni̍hbôchîⁿ, iāsībôpān-hoat, chiūkiâⁿchhutke-á, ǹgsoaⁿlāiêlō͘ti̍t-ti̍tkiâⁿ, tú-gūlō͘-ni̍hūlângtehchhiakam-chià, chiūkālângpunkam-chiàchia̍h, chek-sîkám-kakkechinūgôan-khì, chiūkè-sio̍kkohkiâⁿ. Tàu-tíjîn-kantôngchêngsaⁿpang-chānêsim, iû-gôansītīhiuⁿ-ēkhahū. Siâⁿ-chhī, to͘-hōeêlâng, ná-chúnta̍k-êm̄-chaisīkhahbôêng, khahbôsî-kanthangsiūⁿkàupa̍t-lângêtāi-chì, á-sīcháiⁿ-iūⁿ. Kám-kakkechinkò͘-kí, ná-chúnsio̍k-gúkóngji̍t-thâukng-iāⁿ-iāⁿ, sûi-lângkò͘sìⁿ-miāêkhóan. Kám-kakchhin-chhiūⁿjîn-chêngchinpeng-léng, tīhiuⁿ-ēkám-kaktāi-kekhahun-lóan, nākàutīsoaⁿ-kan, tīphok-sò͘êseng-oa̍hêlông-bînêtiong-kan, só͘ūêiú-chêng, sīná-chúnkèngkoh-khahsio-lō. Kàutàuêsî, ichiūkiâⁿkàuSoaⁿ-pà. Tīhiaūchi̍t-kengKi-tok-kàuêlé-pài-tn̂g.
|
Hit暗就去跔廟口，phēng tiàm大廟的柱頭，半睏，半醒過一瞑。隔早起腹肚感覺真枵，但是身裡無錢，也是無辦法，就行出街仔，向山內的路直直行，tú遇路裡有人teh車甘蔗，就kā人分甘蔗食，即時感覺加真有元氣，就繼續koh行。到底人間同情相幫贊的心，猶原是tī鄉下較有。城市，都會的人，若準逐個m̄知是較無閒，較無時間thang想到別人的代誌，抑是怎樣。感覺加真顧己，若準俗語講日頭光映映，隨人顧性命的款。感覺親像人情真冰冷，tī鄉下感覺大家較溫暖，若到tī山間，tī樸素的生活的農民的中間，所有的友情，是若準更koh-khah燒烙。到晝的時，伊就行到山壩。Tī hia有一間基督教的禮拜堂。 |
|
Ipêng-sîbôthiaⁿtō-lí, chū-jiâniiām̄-chaihiasīpài-tn̂g, put-kòikám-kaktīchiahsoaⁿ-lāi, ūchiahtōa-kengêchhù, sīchinhi-hán, ichiūkiâⁿóa-khìkāikhòaⁿ, sòatīpài-tn̂gmn̂g-kháuliâng-liângêūichē. Hit-sîtú-gūūchi̍têlāusìn-tô͘, lânglóngkiòichòeA-thiam-peh, isīsèⁿBo̍kkap A-thiam-ḿnn̄g-lāuí-gōa, ke-lāichí-ūchi̍têcha-bó͘-kiáⁿ, án-nichi̍t-kesaⁿêchòe-hóetòa. Khiokūkúihun-áchúi-chhânkaptām-po̍hsoaⁿ-phiâⁿ, sǹg--lâisībēkàujōapháiⁿ-kòe. M̄-kúbôhāu-siⁿ, ka-kīiūlāu, lo̍h-chéngsiu-koahlóngtio̍hchhiàⁿ--lâng, só͘-íiām̄-sīkàujōahù-jū. Itúbehlâichhōebo̍k-sukóng-ōe, khòaⁿchit-êchheng-liântīpài-tn̂gmn̂g-kháuchē, ichiūkāimn̄gkhòaⁿchitūipêng-iútùitó-ūilâi. Lò-khaÉng-hok-ahthâu-khakchhi̍h-chhi̍h, put-tiput-kakba̍k-sáisòaliànchhut--lâi. A-thiam-pehkhòaⁿ-liáuchinthèisiong-sim, chaiisim-lāitek-khaksīūkóngbēchhutêkan-khó͘, chiūchhiáⁿikhìintauchē.
|
伊平時無聽道理，自然伊也m̄知hia是拜堂，不過伊感覺tī chiah山內，有chiah大間的厝，是真稀罕，伊就行倚去kā伊看，sòa tī拜堂門口涼涼的位坐。Hit時tú遇有一個老信徒，人攏叫伊做阿添伯，伊是姓穆kap阿添姆兩老以外，家內只有一個查某囝，按呢一家三個做夥tòa。卻有幾分仔水田kap淡薄山坪，算來是bē到偌歹過。M̄-kú無後生，家己又老，落種收割攏著倩人，所以也m̄是到偌富裕。伊tú beh來chhōe牧師講話，看這個青年tī拜堂門口坐，伊就kā伊問看這位朋友tùi佗位來。躼腳永福ah頭殼chhi̍h-chhi̍h，不知不覺目屎sòa liàn出來。阿添伯看了真替伊傷心，知伊心內的確是有講bē出的艱苦，就請伊去in兜坐。 |
|
Intaulīpài-tn̂gbôjōa-hn̄g, chhùkhiokm̄-sīchinhó, tekchha̍k--ê, chhēngchng-áêchúi-kûn, khàmhiā, tēng-tauhtēng-tauh--ah, lāi-gōachinchheng-iu, iāūchi̍t-êsè-sèêtiâⁿ-táu, tiâⁿ-bóeiāūchi̍t-chângtiⁿiûⁿ-thô, chám-jiântōa-châng, chiàu-khòaⁿū2, 30nîêkhóanêlāu-chhiū, liulo̍h-khìūchi̍t-tiâusiókhe-á, ūchē-chēhū-jîn-lângthangsé-saⁿêchio̍h-thâu-ūi, óan-jiânchhin-chhiūⁿchi̍t-pakêtô͘-ōechi̍t-iūⁿ. Lâiphēngtio̍hLò-khaÉng-hok-ahinhái-kháu, sīthianchhaiauêkhôan-kéng, chi̍t-sîsimkhui-khuikhì. M̄-kúpak-tó͘si̍t-chāisītōa-tn̂gkòsió-tn̂gêiau, ka-chàiA-thiam-pehchinchaikhin-tāng, siūⁿkóngchiasīsoaⁿ-kan, tāi-khàichit-sîtàu-lah, chit-êchheng-liân-lângkáⁿiáu-bōechia̍hêkhóan, chiūmn̄gikóng, “Pêng-iúlítiong-tàukiámchia̍h-pn̄glah.” Hit-sîikhòaⁿA-thiam-pehêhó-ì, chiūiābôsè-jīkāikóng, iiáu-bōechia̍h. A-thiam-pehchek-sîkiòiêcha-bó͘-kiáⁿChhiu-kùi-ahkhóanchhut-lâihō͘ichia̍h.
|
In兜離拜堂無偌遠，厝卻m̄是真好，竹鑿ê，穿磚仔的水裙，khàm瓦，tēng-tauh tēng-tauh--ah，內外真清幽，也有一個細細的埕斗，埕尾也有一欉甜楊桃，嶄然大欉，照看有2，30年的款的老樹，蹓落去有一條小溪仔，有濟濟婦人人thang洗衫的石頭位，宛然親像一幅的圖畫一樣。來phēng著躼腳永福ah in海口，是天差夭的環境，一時心開開去。M̄-kú腹肚實在是大腸告小腸的枵，佳哉阿添伯真知輕重，想講chia是山間，大概這時晝啦，這個青年人敢猶未食的款，就問伊講，「朋友你中晝敢食飯啦。」Hit時伊看阿添伯的好意，就也無細膩kā伊講，伊猶未食。阿添伯即時叫伊的查某囝秋桂ah款出來hō͘伊食。 |
|
Chhiu-kùi-ahsui-jiânsīsoaⁿ-lāicha-bó͘gín-ná, nā-sīiūtha̍k-kòeKok-bînha̍k-hāu, kohtīkàu-hōechòegîm-sipan-ôan, siaⁿchinhó, chinoa̍h-tāng, tīchheng-liânthôankhètngho̍k-bū-pō͘-tiúⁿ. Sīchinkhó-chhúêlú-chú, tīSoaⁿ-pàkàu-hōethangkóngsīsoaⁿ-lāiêhoe, kin-nîtú20hòe. Lò-khaÉng-hok-ahsī21hòe, tāi-keténg-ēhòe. Chittùichheng-liânbôì-tiongtāi-kekìⁿ-bīnêsî, ná-chúnūchi̍t-êbē-hiáukóngêkî-iân. Éng-hok-ahtùián-nichiūsiūlâuchòelâng-kheh, chiām-sîtiàmA-thiam-pehin-tau.
|
秋桂ah雖然是山內查某gín-ná，但是伊有讀過國民學校，koh tī教會做吟詩班員，聲真好，真活動，tī青年團契當服務部長。是真可取的女子，tī山壩教會thang講是山內的花，今年tú 20歲。躼腳永福ah是21歲，大家頂下歲。這對青年無意中大家見面的時，若準有一個bē曉講的奇緣。永福ah tùi按呢就受留做人客，暫時tiàm阿添伯in兜。 |
