Tang-chìcheh, chiū-sītang-chìêji̍t, sīji̍t-sîchòetéêji̍t, tùichitji̍tkhí, ji̍t-sîchiām-chiāmkhahtn̂g, mêchiām-chiāmkhahté, ūlângkóngTang-chehmêkhùnbēthiⁿ-kng, chiū-sīmêtn̂gêiân-kò͘. Chóng-sītùichitji̍tkhíItiônglâiho̍k(一陽來復), kàusin-le̍k12goe̍h22ji̍tthài-iôngtú-hókiâⁿkàuchhiah-tōí-lâm23tō͘pòaⁿêsó͘-chāi, só͘-íchitêhūi-tō͘() sòaⁿiākiò-chòtang-chìsòaⁿ, lâikàu-chiaji̍t-thâukoh-chaichóan-ǹgpak. Tang-chìchehphó͘-thonglóngkóngTang-cheh. Kó͘-chásîêkoaⁿ-gêlóngūpān-tohkhuiiàn-hōe, hiān-chāipún-sénglângtīchitji̍tūsoTang-cheh-îⁿlâichia̍h, iāchiah-êîⁿ-áté3óaⁿpâitīchó͘-sianêūi-pâi, ū-sîiāhiànsam-seng, á-sīngó͘-seng, tiámhiuⁿ-chek, pàngphàu, siokim-chóa, pàichó͘-kong, sîn-bêng. Koh-chàichhân-chngêsó͘-chāi, lông-kakhah-siôngchiongîⁿ-áchi̍t, nn̄glia̍pkô͘tīkó͘-chéⁿ, mn̂g, thang, toh-téng, kūi-téng, ke-tiâu, ti-tiâu, gû-tiâu, kám-siāsîn-bêngêpó-pì, kiûlio̍k-thiokseⁿ-thòaⁿheng-ōng.
|
冬至節，就是冬至ê日，是日時最短ê日，對chit日起，日時漸漸khah長，暝漸漸khah短，有人講冬節暝睏bē天光，就是暝長ê緣故。總是對chit日起一陽來復，到新曆12月22日日頭拄好行到赤道以南23度半ê所在，所以chit-ê緯度()線也叫做冬至線，來到chia日頭koh再轉ǹg北。冬至節普通lóng講冬節。古早時ê官衙lóng有辦桌開宴會，現在本省人tī chit日有搓冬節圓來食，也chiah-ê圓仔貯3碗排tī祖先ê位牌，有時也獻三牲，抑是五牲，點香燭，放炮，燒金紙，拜祖公，神明。Koh再田庄ê所在，農家khah常將圓仔一，兩粒糊tī古井，門，窗，桌頂，櫃頂，雞椆，豬椆，牛椆，感謝神明ê保庇，求六畜生湠興旺。 |
|
ĒngTang-chehchòbébēkhè-iokêji̍t.
|
用冬節做買賣契約ê日。 |
|
Tâi-ôanêkū-kòan, thó͘-tēêpa̍k-keng, bé-bē, tí-tong, khah-siôngtī8goe̍h15tiong-chhiuhit-sîsengkónghó-sè, kàuTang-chìchitji̍tchiahsi̍t-hêngkhè-iok, ūchithōsi̍p-kòan. M̄-nāán-ni, behtiāⁿ-tio̍hkhè-iokêkî-hān, khah-siôngsīēngTang-chehchòphiau-chún; phì-jūkàuTang-chehchêng3ji̍t, á-sīTang-chehāu5ji̍t, hiān-sîchiah-êkū-kòaní-kengchiām-chiāmbô--khì. Chóng-sīchia̍hTang-chehîⁿliáu, chiūsǹgchòkechi̍thòe, chitêkoan-liāmiáuū.
|
台灣ê舊慣，土地ê贌耕，買賣，抵當，khah常tī 8月15中秋hit時先講好勢，到冬至chit日才實行契約，有chit號習慣。M̄-nā按呢，beh定著契約ê期限，khah常是用冬節做標準；譬喻到冬節前3日，抑是冬節後5日，現時chiah-ê舊慣已經漸漸無去。總是食冬節圓了，就算做加一歲，chit-ê觀念iáu有。 |
Kiat-lūn:
|
結論： |
|
Lūncheh-khùiêsū, tītē18bīn. Chheng-bêngêsó͘-chāií-kengūkóng-khí, siông-sèchhiáⁿkhòaⁿhittōaⁿchiūēchai. Nā-sītīhitji̍tpàisînchè-hiànêsū, lánsèng-tô͘chū-jiânm̄-thango̍h.
|
論節氣ê事，tī第18面。清明ê所在已經有講起，詳細請看hit段就會知。若是tī hit日拜神祭獻ê事，咱聖徒自然m̄-thang學。 |
