Iok-nákhòaⁿIâ-hô-hoabehkhoan-iôngNî-nî-bîsiâⁿ, chiūsiū-khì, kî-tóIâ-hô-hoakóng, “Chúah, góatīpún-kokêsî, kiámbôphah-sǹglíōekhoan-sùchitêsiâⁿmah? só͘-ígóachiahbehcháu-khìTha-si, m̄-àilâi. Góachailísījîn-chûêSiōng-tè, siông-siôngkhǹglîn-bín, bôkàng-lo̍hsó͘kóngêchai-ē. TaⁿgóakiûIâ-hô-hoathógóaêsìⁿ-miā, lêng-khó͘síkhahhó.” Siōng-tèmn̄gikóng, “Líin-ūichitêtāi-chìlâisiū-khìūha̍pmah?”
|
約拿看耶和華beh寬容尼尼微城，就受氣，祈禱耶和華講，「主ah，我tī本國的時，敢無拍算你會寬恕chit ê城mah？所以我才beh走去他施，m̄愛來。我知你是仁慈的上帝，常常勸憐憫，無降落所講的災禍。今我求耶和華討我的性命，寧可死khah好。」上帝問伊講，「你因為chit ê代誌來受氣有合mah？」 |
|
Hit-tia̍pIok-náchhutsiâⁿ, tītang-bīnchē, līsiâⁿbôjōahn̄g; tī-hiaka-kītahchi̍têliâu-á, tiàmtīhiachhiu-chhìn, àikhòaⁿchitêsiâⁿkàubécháiⁿ-iūⁿ. Nî-nî-bîhit-sîput-chíjoa̍h, Iok-náchētīhiakan-khó͘; Iâ-hô-hoakhó-lîni, hō͘chi̍tchângpi-môahoat-siⁿ, liâm-piⁿtōa-châng, thangjiaIok-náêthâu-khak, lâikóeIêiu-būn. Chitchângsi̍t-bu̍t, chiàuHi-pek-lâiêim, miâkiòKi-ka-un, káⁿsīkāu-hio̍hōechòeìm-ńg. Iok-nátit-tio̍hchit-hōlâijia-sin, chinhoaⁿ-hí. Kèbîn-áchá-khíSiōng-tèhō͘thângchhiahitchângpi-môa, chiūta-la-khì; kàuji̍tchhutêsî, Siōng-tèkhítang-hong, hitêkhìput-chísio, kohji̍tpha̍kIok-náêthâu-khak, hō͘Ijoa̍hkàubehchoa̍t-khùi; Iok-náchiūkóng, “Lêng-khó͘síkhahhó, góam̄-àioa̍h.” Siōng-tèmn̄gIok-nákóng, “Líūi-tio̍hchitchângki-ka-unlâisiū-khìūha̍p-gîmah?” Ìnkóng, “Góasiū-khìkàusí, ia̍hha̍p-gî.”
|
彼霎約拿出城，tī東面坐，離城無偌遠；佇遐家己搭一個寮仔，tiàm tī hia秋凊，愛看chit ê城到尾怎樣。尼尼微彼時不止熱，約拿坐tī hia艱苦；耶和華可憐伊，hō͘一欉蓖麻發生，連鞭大欉，通遮約拿的頭殼，來解伊的憂悶。這欉植物，照希伯來的音，名叫居家恩，敢是厚葉會做蔭影。約拿得著這號來遮身，真歡喜。過明仔早起上帝hō͘蟲chhia hit欉蓖麻，就礁la去；到日出的時，上帝起東風，hit ê氣不止燒，koh日曝約拿的頭殼，hō͘伊熱到beh絕氣；約拿就講，「寧可死khah好，我m̄愛活。」上帝問約拿講，「你為著這欉居家恩來受氣有合宜mah？」應講，「我受氣到死，亦合宜。」 |
Iâ-hô-hoakohkóng, “Chitchângm̄-sīlíchaiê, ia̍hm̄-sīlíchiàu-kò͘ê, chi̍tmîhoatkhí-lâi, chi̍tmîkohta--khì, lísiōng-chhiáⁿūpó-sioh, hô-hòngchitêNî-nî-bîêtōa-siâⁿ, ūcha̍p-jībānkhahkeêsòe-kiáⁿ, ia̍hūchōe-chōecheng-siⁿ, góakiámm̄tio̍hpó-siohmah?”
|
耶和華koh講，「Chit欉m̄是你栽的，亦m̄是你照顧的，一暝發起來，一暝koh ta-企，你尚且有保惜，何況chit ê尼尼微的大城，有十二萬khah加的細囝，亦有濟濟精牲，我敢m̄著保惜mah？」 |
|
Iok-náāu-lâiêtāi-chì, Sèng-kenglóngbôkóng; lánlóngbōechai.
|
約拿後來的代誌，聖經攏無講；咱攏bōe知。 |
|
Siōng-tèjiâuNî-nî-bîlângêsìⁿ-miāhō͘lánthangchaiSiōng-tèêthiàⁿlângkàucháiⁿ-iūⁿ. Lánia̍htio̍hthiàⁿlâng, m̄-thangiàu-kínka-kīêtāi-chìkhahkè-thâuthiàⁿlâng; siông-siôngtio̍hhoaⁿ-hílī-eklâng; chhin-chhiūⁿPó-lôkóng, “Ta̍klângm̄-thangchoan-choankò͘ka-kīêtāi-chì, ia̍htio̍hkò͘pa̍t-lângêtāi-chì.”
|
上帝饒尼尼微人的性命hō͘咱通知上帝的疼人到怎樣。咱亦著疼人，m̄通要緊家己的代誌khah過頭疼人；常常著歡喜利益人；親像保羅講，「逐人m̄通專專顧家己的代誌，亦著顧別人的代誌。」 |
