Tang-pō͘êsan-tēkàu-hōe, hiān-chāisīkiàn-tn̂gchòeko-tiâuêsî-kî, góatīkū-nîchhin-ba̍kkhòaⁿ-kìⁿê, ū12keng, chiahêlóngsīpîⁿ-tēêsan-tēkàu-hōe, m̄-biánji̍p-soaⁿ-chèng, insó͘chèênâ-tô͘lóngsīhiān-tāi-sekêkiàn-tio̍k-bu̍t, tùichiâⁿ-cha̍pbān-kho͘, khíkàukúi-cha̍p-bānkho͘put-téng, inōethangēngséngchîⁿkhísúikohióngêchhù, hitêkhíhoatsīán-ni: chúi-nî, thi̍h-tiâu, hiā, ēngchîⁿkhìbóe, bo̍k-liāu, soalónghōe-iúka-kīchhut-kangchhái-chi̍p, sai-hū-kangchhiáⁿhōe-iúchò, chóng-sīkang-chîⁿchinsio̍k, sió-kangit-khàihōe-iúchòkong-kang, só͘-íōethangséng3hūn1êhùi-iōng, si̍t-chāichinthangchòlánêbô͘-hōan, inmúi-kengchíūtit-tio̍hSan-tē-chhùsiópō͘-hūnêpang-chān, í-gōabôtàngtê-chîⁿ, chí-ūka-kīlia̍p-chekhōng-hiàn. Phì-jūlâikóng, 3nîchênggóakhìthàm-hóngBān-lêngkàu-hōe, hitsîchí-ūchi̍tkengphòa-chháu-liâuêpài-tn̂g, inkhòaⁿ-kìⁿkeh-piahchi̍t-kengbo̍k-chōphín-khì() chinsúiêThian-chú-tn̂g, chiūkoat-simbehkhísinpài-tn̂g, te̍k-pia̍tHū-jîn-hōemúichi̍têhōe-ôan, gī-koatchhīchi̍tchiahtilâihōng-hiàn, kàugóakū-nî9ge̍hkohkhìhóng-būninêsî, chiūkhòaⁿ-tio̍hchi̍tkengtúkhíhóê, chúi-nîthi̍h-kinêsinpài-tn̂g, hō͘góasiūchintōaêkám-kek, tīkeh-piahêThian-chú-tn̂gliânōethangpí-titto͘bōe, hō͘lánchaiinkhípài-tn̂gêjia̍t-sêng, chì-khìsījōa-n̍i̍htōa?
|
東部ê山地教會，現在是建堂最高潮ê時期，我tī舊年親目看見ê，有12間，chiah ê lóng是平地ê山地教會，m̄ 免入山証，in所製ê藍圖lóng是現代式ê建築物，tùi成十萬箍，起到幾十萬箍不等，in會thang用省錢起súi koh勇ê厝，hit ê起法是按呢：水泥、鐵條、瓦，用錢去買，木料、沙lóng會友家己出工採集，師父工請會友做，總是工錢真俗，小工一概會友做公工，所以會thang省3份1 ê費用，實在真thang做咱ê模範，in每間只有得著山地處小部份ê幫贊，以外無tàng 題錢，只有家己粒積奉獻。譬如來講，3年前我去探訪萬寧教會，hit時只有一間破草寮ê拜堂，in看見隔壁一間木造品氣()真súi ê天主堂，就決心beh起新拜堂，特別婦人會每一個會員，議決飼一隻豬來奉獻，到我舊年9月koh去訪問in ê時，就看tio̍h一間tú起好ê，水泥鐵筋ê新拜堂，hō͘我受真大ê感激，tī隔壁ê天主堂連會thang比得都bōe，hō͘咱知in起拜堂ê熱誠，志氣是jōa-n̍i̍h大？ |
